قصيدة ام الشهيد:اهداء لام نضال فرحات و لكل ام شهيد

أم الشهيد
يا امي شايف عيونك حزيني........................شو لي مزعلك يا تقبريني
ياريت الناس بتبيع السعاده......................لجبلك كل فرحة وكل زيني
حرااام الحزن يغمر هالايادي......................لكنتي فوق منهم تحمليني
وصباك يلبس التوب الرمادي......................وقلبك متل زهر الياسميني
كنتي كل ما ازحف ودادي.............................تشفيني رجل وتعلميني
يا ابني ارضك عبدها عبادي.................الدهب شو قيمتو لو ما الخزيني
يا امي بعرفك عندك جلادي......................وصبر فيه الرضا والطمأنيني
يابا مين لعوكرك يا بحر هادي...................وطفا الشمعة لضوت عمديني
رفعت راسها بحزم وارادي......................ومسحت جمرة الدمعة السخيني
وبجرحو صووووووتها صارت تنادي..............القدس امي القدس بنتي السجيني
يا ابني جارت عليها الاعادي.....................وتاهت عن مراسيها السفيني
برضايي عليك يا فلذة فؤادي........................حررها ولا تتركها رهيني
يا ابني القدس اغلى من ولادي ...................وانتو والقدس من نفس طيني
والله كانت فرحتك قصدي ومرادي.....................وحتى بعرسك تزهر سنيني
انا بدي لبسك توب الشهادي .......................واحمل نعشك وارفع جبيني
وقف وقلها بلسلن شادي .........................انا ابنك متل ما بتعرفيني
انا ابنك اذا نادى المنادي......................استشهادي فدائي بتوجديني
يا امي مين اغلى من بلادي......................بعد الله الارض والعرض ديني
يا امي واجبي تابع جهادي ..........................بوصيك قبل ما تودعيني
اذا نلت الشهادي باعتقادي......................بزلغوطة وببسمة استقبليني
ما بدي تلبسي توب الحدادي........................ وما تبكي علي بتحرقيني
رفاقي بيحملوني ...علايادي......................عريس بدلتو البيضة التميني
نعشي زعفران و زهر نادي.......................... وقبري بين زيتوني وتيني
وحتى ارتاح ونام هادي ............................وبقبري تخيم علي السكيني
وضعي المصحف تحت راسي وسادي...................وصورة الاقصى عصدري واماني يضل
رشاشي بيميني