الســــــــــــــــــــــــــــ مملكة للزجل ــــــــــــــــــــمرة
[اهلا و سهلا بك اخي الزائر الكريم ان كنت زائر فنرجوا منك التسجيل و ان كنت عضو شو ناطر سجل دخولك و شارك معنا بسرعة يا غالي


منتدى الزجل العربي الافضل
 
الرئيسيةس .و .جبحـثالأعضاءالمجموعاتالتسجيلدخول
اهلا و سهلا يكم في مملكة السمره اول موقع عربي متخصص بالزجل هذا الفن الراقي الذي تعود اهل بلاد الشام على عشقه و حبه ,هذا الموقع موقعكم و منكم و اليكم فأهلا بكم .مع تحيات المشرف مجد خراطه ...........................................................
http://alsamra.yoo7.com/h3-page

شاطر | 
 

 عفوية للشاعر عبد الله برهان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابو بالسل



عدد المساهمات : 1
السٌّمعَة : 0
تاريخ التسجيل : 03/11/2011

مُساهمةموضوع: عفوية للشاعر عبد الله برهان    الجمعة ديسمبر 30, 2011 10:54 am


عبد الله برهان





عفويّة





منتفارق بالنفســــــية و الدنيه هيي هيه


حتى ما ياكلنا الحزن لازم نفرح يوميه


×


العيشه وحدة مش تنتين مَرّة و ما بعــــــــدا كرّه


النقطة إنّك تعرف وين تركّب دينيــــــــن الجره


و هيّ مقسـومة ما بين حلوة و ع الريحه و مرّه


لا تـــــاخد منها حدّين و تتشبــــــــــث بالعقليّه


×


عيش اللحظة مش مجبور إنــــــك تستنّى الآتي


يمكـــــــن هالغدّ المنظور ما يكون كتير مواتي


لا تخلّـــــــــي الأيام تدور بمهبّ الريـح العاتي


و أخرتا بتوب المقصور مقدّم للموت هــــديّه


×


ما قلتـــــــلك ترخي بال أو تتعـــــوّد ع التطنيش


مطـــرح ما حطّ الجمّال لازم تعرف كيف تعيش


لو راقت أيــامك .. عال لا تعكّرها بالتنبيـــــــش


و كلمة يالله ماشي الحال حــــــــلوة تطلع عفويّه


×


مش رح قلّك لا تحلم محراك الدنيه الأحلام


الفكــــرة إنّك ما تندم ع تعليـــــــقك بالأوهام


لا تفكّـــر تطلع أنظم إنّـــــــك ترخيها و تنام


نفســك بتصفّي أظلم من بللورة مطفيّـــــــــه


×


لو شي مرّه أنســـــــد الدرب أو حظّك صفّى عانس


لا تهرب من أوّل حـــــــرب و تقعد ع الحفّة يائس


الزيتونة شـــــو حملت كرب ت صفّى عودا يابس


و لوما غصونا حملو ضرب مــــــــا عبّتلك نصيّه


×


و بتقلي كيـــــف منفرح و نحنــــــا عم نتنفّس همّ


و اللقمة صـارت تجرح أصلاً مغموســـــــه بالدّم


بـــــــــقول الفلاح بيفلح بالأرض العصيانه الصمّ


و فرحان عليها بيسرح من ع بكــــــــرا العاشيّه


×


و لولا بتظبط مع غيرك لا تقلي هي شغلة شنص


لومــــــا بتحدي لطيرك بيجيـــبو غيرك بالقنص


شـــــبّ و لسّاك بخيرك بدها القصة شويّة لنص


حدّدلي وجهة ســـــيرك و يالله قبضــــــها جدّيه


×


منعرف إنّك مش خالد وعمرك ع اللوحة منحوت


بـــس الأبداً مش وارد إنـــــــك قبل الوقت تموت


مشكلة الدم البـــــــارد بيتركها تمضــــي و تفوت


و هو ع الكرسي قاعد ع الهمّـــــــــــة ما لو نيّه


××××
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
عفوية للشاعر عبد الله برهان
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
الســــــــــــــــــــــــــــ مملكة للزجل ــــــــــــــــــــمرة :: منبر شعراء الزجل-
انتقل الى: